Mense Ianuario ineunte visitavi Lenciciam (Łęczyca) in media parte Poloniae, ubi in muro ecclesiae videantur vestigia Diaboli conantis murum ascendere, ut, quomodo intus res sese habeant, per fenestram discat. Supra habetis, lectores, photographema ab amica mea factum vestigii unius pedum Diaboli, septem (?) unguibus ornati.
Heri autem in vico Pieczyska non tam procul Varsovia moratus sum, ubi petra monstratur, per quam Beata Virgo Maria creditur iter fecisse, vestigium pedis calceati relinquens:
Sumus felices nos Poloni, tot vestigia supranaturalia habentes! At est hoc tantum initium narrationis meae de hac re. Mox plura expectate.
Brak komentarzy:
Prześlij komentarz